سبب مشاكل المجتمع

**Admin** السبت أغسطس 04, 2012 3:09 am

سبب مشاكل المجتمع

<blockquote class="postcontent restore ">

مرحبا

صار 9 سنوات وبعض العراقيين بعدهم يخلون التغير الصار بالعراق والانفتاح
شماعة لاخطاء المجتمع
وبصراحه هالموضوع مضوجني , لانه العراقيين كمجتمع معنده تحضر
والتحضر الي اقصده هو الوعي والثقافه واحترام القانون

اني من اشوف واحد يمشي رونك سايد وميحترم القواعد المرورية
واطفاله ميعلمهم عله الاخلاق , وبالاخير يجي يكول كله بسبب الانفتاح الصار بالعراق
فاكول لهيج شخص انته انسان متخلف لابعد درجه

لو ناخذ جانب ثاني مثل التوعيه الاخلاقيه للجيل
رح نشوفها تقريبا معدومه والسبب الاهل , لانه من يشوفون ابنهم يجيب برامج مكركة
بمعنى اخر ديبوك هالبرانج , فميكلوله هالشي خطأ
من يخلون ابنهم يلعب العاب اكبر من عمره ميمنعو منهالشي
من يصوروله الكذب شي عادي وطبيعي , مثلا تندك الباب ويكله لابنه كله ابوية مموجود
من يدمرون تفكيره الديني (ومرح اشرح عن هذا الشي لانه ينرادله موضوع لوحده)
وهاي اسباب قليلة من عدة تدمر كيان المجتمع

وهيه السبب الرئيسي بالانحطاط الفكري والاخلاقي الي ديصير
مو السبب الانفتاح
اني ادعم وبشكل كامل كل التكنلوجيا الحديثه ووسائل الاتصال وحرية التفكير والدين وحرية الاختيار
وبالنسبه للانفتاح التكنلوجي مااميز بنيه عن ولد وهذا شي مهم , مو لانه هيه بنيه ماانطيها نت ولابتوب
انطيها تربية وانطيها نصائح وانطيها اهم شي وهو شخص تلتجأله من تصير عدها مشكله

فالغلط مو بهالوسائل ولا بالحرية الغلط بمجتمعنه

فالنقطة الرئيسية للموضوع هيه
انه ميصير يظلون بعض الناس لحد الان يفكرون انه سبب مشاكل المجتمع الانفتاح والحرية
السبب الحقيقي هو اصل مجتمعنه الي بالظاهر عنده قيم بس يفتقر لاهم المقومات

</blockquote>